கஜா புயல்: தமிழக தலைமைச் செயலாளர் முக்கிய ஆலோசனை

கஜா புயல்: தமிழக தலைமைச் செயலாளர் முக்கிய ஆலோசனை

சென்னை: வங்கக் கடலில் உருவான ஆழ்ந்த காற்றழுத்த தாழ்வு மண்டலம் புயலாக மாறியது. இதற்கு கஜா புயல் என பெயர் வைக்கப்பட்டுள்ளது. இந்த கஜா புயல், தமிழகத்தை நோக்கி வேகமாக நகர்ந்து வருகிறது. 

இந்த புயல் கரையை கடக்கும் போது மணிக்கு 100 கிலோ மீட்டர் வேகத்தில் பலத்த காற்று வீசும். வரும் 15ம் தேதி கனமழை பெய்யும் என இந்திய வானிலை ஆய்வு மையம் எச்சரிக்கை விடுத்துள்ளது. 

சென்னையில் இருந்து 850 கிலோ மீட்டர் தொலைவில் உள்ள இந்த புயல் 20 கிலோமீட்டர் வேகத்தில் நகர்ந்து வருகிறது.

இந்நிலையில் இன்று அதிகாரிகளுடன் தமிழக தலைமைச் செயலாளர் ஆலோசனை நடத்த உள்ளார், பல துறை அதிகாரிகளுடன் தலைமைச் செயலாளர் கிரிஜா வைத்தியநாதன் ஆலோசனை நடத்துகிறார். முன்னெச்சரிக்கை நடவடிக்கை குறித்து இதில் ஆலோசிக்கப்படவுள்ளது.