6 வயது சிறுமி பாலியல் பலாத்காரம் செய்யப்பட்டு கொலை

6 வயது சிறுமி பாலியல் பலாத்காரம் செய்யப்பட்டு கொலை
/image.axd?picture=2018%2f6%2f6+year+old+child+was+brutally+raped+and+killed+in+Gwalior.jpg

குவாலியர்: மத்திய பிரதேசம் மாநிலம் குவாலியர் மாவட்டம் மொரினா பகுதியைச் சேர்ந்த தம்பதியினர், குவாலியர் நகரில் நடக்கும் உறவினர் ஒருவர் திருமணத்திற்கு சென்றனர். அவர்கள் 6 வயது தங்கள் மகளையும் அழைத்து சென்று உள்ளனர். திருமண கொண்டாட்டங்களில் ஈடுபட்டு இருந்த தம்பதியினர் குழந்தையை கவனிக்கவில்லை. தனது மகளை காணவில்லை என்பதை தாமதமாக உணர்ந்த பெற்றோர் உடனடியாக காவல்துறைக்கு தெரிவித்துள்ளனர்.

தனது பெற்றோருடன் திருமணத்திற்கு வந்திருந்த சிறுமியை ஐஸ்கிரீம் வாங்கி தருவதாக ஆசைவார்த்தை கூறி வெளியே தனியே அழைத்து செல்லும் குற்றவாளி சம்பந்தமான சிசிடிவியை ஆராய்ந்ததில் பல திடுக்கிடும் காட்சிகள் வெளியாகியுள்ளது, அந்த சிசிடிவி காட்சிப்படி திருமண கொண்டாட்டங்களுக்கு நடுவே இரவு 11.30 மணிக்கு சம்பந்தப்பட்ட குழந்தை ஒரு நபருடன் வெளியே வருகிறாள். யாரோ ஒரு நபருடன் வேகவேகமாக அந்த குழந்தை யாருமற்ற தெருவில் நடக்கிறது. குற்றவாளியும் உடன் நடந்து வருகிறான். பின்னர் அதிகாலை 2.30 மணியளவில் குற்றவாளி மட்டும் தனியே திரும்பி வருவதற்கான காட்சிகள் அதில் பதிவாகியிருந்தன.

அதன் பின்னர் அந்த சிறுமி அடுத்த நாள் காலை போலீசாரின் தேடுதலுக்கு பிறகு திருமணம் நடந்த இடத்திலிருந்து 500மீ தொலைவில் உள்ள வனப்பகுதியில் சடலமாக முகம் சிதைந்து கண்டுபிடிக்க படுகிறாள். சடலமாக சம்பவ இடத்தில் சிறுமியின் சடலத்தை பார்த்த உடனேயே இது கொடூரமான முறையில் நடத்தப்பட்ட பாலியல் பலாத்காரம் என தெரிந்ததாக இந்த விசாரணையை மேற்கொண்ட தர்மராஜ் மீனா எனும் மூத்த காவல் துறை அதிகாரி கூறியிருப்பது குறிப்பிடத்தக்கது.

சிசிடிவி காட்சிகள் மூலம் இந்த குற்றத்தில் திருமண நிகழ்வில் சமைக்க வந்திருந்தவர்களில் ஒருவனை கைது செய்துள்ளது.

6 year old child was brutally raped and killed in Gwalior