அமெரிக்கா - ரஷ்யா இருவரில் யாருடைய நெருக்கம் இந்தியாவுக்கு அதிக பலன் தரும்?
அமெரிக்க அதிபர் டொனால்ட் டிரம்ப் தான் எப்படி பேசுகிறாரோ, அப்படியே செய்வார் என்று எந்த அவசியமும் இல்லை.
பிரதமர் மோதியை நண்பர் என அழைத்த டிரம்ப், அதிபரான பிறகு இந்தியாவுக்கு எந்த சலுகையும் வழங்கவில்லை.
ஆகஸ்ட் 27-ஆம் தேதி இந்தியா மீது 50% வரிகளை விதித்தது அமெரிக்கா. அதன் தாக்கம் வெளிப்படையாகவே தெரிகிறது.
அமெரிக்காவுக்கான இந்தியாவின் ஏற்றுமதி செப்டம்பர் மாதம் 20% சரிந்தது. அதற்கு முந்தைய 4 மாதங்களில் 40% சரிந்திருந்தது.
டெல்லியை மையமாகக் கொண்ட குளோபல் டிரேட் ரீசர்ச் இனிஷியேடிவ் அமைப்பின் இயக்குநர் அஜய் ஸ்ரீவஸ்தவா, டிரம்பின் வரிகளால் இந்தியா தான் கடுமையாக பாதிக்கப்பட்டதாகத் தெரிவித்தார். இனிவரும் மாதங்களில் இந்தச் சரிவு மேலும் அதிகரிக்கும் என்றார்.
