ஒன்பிளஸ் அறிமுகப்படுத்தும் என்6எக்ஸ்: பல நாட்களுக்கு நீடிக்கும் பேட்டரி திறன், அன்றாட வாழ்க்கைக்கு ஏற்ற வடிவமைப்பு

உலகளாவிய தொழில்நுட்ப பிராண்டான ஒன்பிளஸ், இன்றைய நுகர்வோரின் ஸ்டைல், நம்பகத்தன்மை மற்றும் அனைத்துத் தரப்பு ஆற்றலுக்கான தேவையைப் பூர்த்தி செய்யும் வகையில் வடிவமைக்கப்பட்ட ஒன்பிளஸ் என்6எக்ஸ் (OnePlus N6x) ஸ்மார்ட்போனை அறிமுகப்படுத்தி, தனது ‘என்’ (N) சீரிஸை விரிவுபடுத்தியுள்ளது. 7,000mAh மெகா பேட்டரி, புதுப்பிக்கப்பட்ட வடிவமைப்பு மற்றும் நீண்டகாலம் நீடித்து உழைக்கும் மென்மையான செயல்திறன் ஆகியவற்றைக் கொண்டுள்ள இந்த ஸ்மார்ட்போன், அன்றாட வாழ்க்கைக்கு ஒரு சிறந்த துணையாக அமைகிறது.

நீண்டகாலப் பயன்பாட்டிற்காக உருவாக்கப்பட்ட பேட்டரி

இந்த பிரிவிலேயே முன்னணி வசதியாக 7,000mAh பேட்டரியைக் கொண்டுள்ள என்6எக்ஸ், ஒருமுறை சார்ஜ் செய்தால் 2.5 நாட்கள் வரை பயன்படுத்தும் திறனை வழங்குகிறது. இதில் 20.56 மணிநேர வீடியோ ஸ்ட்ரீமிங், 133.56 மணிநேர மியூசிக், 25.04 மணிநேர சமூக ஊடகப் பயன்பாடு  அல்லது 759.13 மணிநேர ஸ்டாண்ட்பை நேரம் ஆகியவை அடங்கும். பேட்டரி அளவு 1% ஆக இருக்கும்போது கூட, இதிலுள்ள 'அல்ட்ரா பவர் சேவிங் மோட்' அத்தியாவசியத் தேவைகளைத் தொடர்ந்து இயங்க வைக்கிறது. இதன் மூலம் 0.54 மணிநேரம் வரை பேசலாம், 7.59 மணிநேரம் ஸ்டாண்ட்பை வைக்கலாம் அல்லது 0.22 மணிநேரம் நேவிகேஷனைப் பயன்படுத்தலாம்.

மேலும், என்6எக்ஸ் நீண்டகால நம்பகத்தன்மைக்காக உருவாக்கப்பட்டுள்ளது. இது 1,600 சார்ஜிங் சுழற்சிகள் மற்றும் ஆறு ஆண்டுகால பேட்டரி ஆரோக்கியத்திற்கு தகுதி பெற்றது ஆகும். அதிக வெப்பநிலை, அதிகப்படியான சார்ஜிங், கீழே விழுதல், அழுத்தம் ஆகியவற்றிற்கு எதிரான நான்கு அடுக்கு பாதுகாப்பின் ஆதரவோடு, ஆறாவது ஆண்டிற்குப் பிறகும் இது 80%-க்கும் அதிகமான பேட்டரி திறனைத் தக்க வைத்துக் கொள்கிறது. 'பைபாஸ் சார்ஜிங்' வசதி தொடர்ந்து பயன்படுத்தும்போது ஏற்படும் வெப்பத்தைக் குறைக்கிறது, 'ரிவர்ஸ் சார்ஜிங்' இணக்கமான பிற சாதனங்களுக்கு ஆற்றலை வழங்குகிறது, மேலும் 'நைட் சார்ஜிங் மோட்' நுகர்வோரின் தூக்க நேரத்திற்கு ஏற்ப மாறி, அதிகப்படியான சார்ஜிங் ஆவதைத் தடுக்கிறது.

உங்களின் கடின உழைப்பிற்கு இணையாகச் செயல்படும் ஸ்டைல்

என்ட்ரி-லெவல் ஸ்மார்ட்போன் பிரிவில் ஒரு உயர்தர வடிவமைப்பை என்6எக்ஸ் கொண்டுவருகிறது. கார்னட் மணிக்கல்லால் ஈர்க்கப்பட்ட 'பர்கண்டி ரெட்', அக்குவாமரைன் கல்லால் ஈர்க்கப்பட்ட 'ஐஸ் புளூ' ஆகிய நிறங்களில் இது கிடைக்கிறது. இது நேர்த்தியான பினிஷிங், தூய்மையான செங்குத்து கேமரா வடிவமைப்பையும், மென்மையான வளைந்த விளிம்புகளையும் கொண்டுள்ளது. இதிலுள்ள 120Hz ஐ கம்ஃபர்ட் டிஸ்ப்ளே மென்மையான ஸ்க்ரோலிங் மற்றும் மிகச் சிறந்த காட்சி அனுபவத்தை வழங்குகிறது. அதே வேளையில் இதிலுள்ள பெரிய ஸ்பீக்கர் 300% வரை அல்ட்ரா வால்யூம் திறனைத் தருகிறது.

அதன் வடிவமைப்பிற்கு அப்பாற்பட்டு, என்6எக்ஸ் ஸ்மார்ட்போன் எம்ஐஎல்-எஸ்டிடி-810எச் (MIL-STD-810H) மிலிட்டரி-கிரேடு தரம் வாய்ந்த நீடித்துழைப்பைக் கொண்டுள்ளது. இது -40°C முதல் 85°C வரையிலான வெப்பநிலை, உப்பு அரிப்பு, மணல் மற்றும் தூசி புயல்கள், மற்றும் பளிங்குக்கல் தரையின் மீது தொடர்ச்சியாக 25 முறை கீழே விழும் சோதனைகளுக்கு உட்படுத்தப்பட்டு சான்றளிக்கப்பட்டது. பலமான மூலைகள், ஏர்பேக் குஷனிங், கடினப்படுத்தப்பட்ட கிளாஸ், வலுவூட்டப்பட்ட அலுமினிய பிரேம் ஆகியவற்றைக் கொண்ட நான்கு அடுக்கு ஆர்மர்ஷெல்™  பாதுகாப்பு, IP64 தூசி மற்றும் நீர் எதிர்ப்புக் திறனுடன் இணைந்து செயல்பட்டு, எதிர்பாராமல் கீழே விழுதல், தண்ணீர் சிதறல்கள் மற்றும் அன்றாடப் பயன்பாடுகளில் இருந்து போனைப் பாதுகாக்கிறது.

நீண்ட காலம் நிலைத்து நிற்கும் செயல்திறன்

ஆக்சிஜன்ஓஎஸ் 16 இயங்குதளத்துடன் கூடிய மீடியாடெக் டைமென்சிட்டி 6360 அபெக்ஸ் சிப்செட் மூலம் இயங்கும் என்6எக்ஸ், மல்டிடாஸ்கிங், பொழுதுபோக்கு, அன்றாட பிரவுசிங் போன்றவற்றை எளிதாகக் கையாளும் வகையில் வடிவமைக்கப்பட்டுள்ளது. நீண்டகால செயல்திறனைக் கருத்தில் கொண்டு உருவாக்கப்பட்டுள்ள இந்த போனின் 4GB+128GB வேரியண்ட் 48 மாத கால ஃப்ளூயன்சி சான்றிதழையும், 4GB+64GB வேரியண்ட் 36 மாத கால ஃப்ளூயன்சி சான்றிதழையும் பெற்றுள்ளன. மேலும், இந்த பிரிவிலேயே மிகப்பெரியதான 5,300mm² விசி கூலிங் சிஸ்டம், வெப்பத்தை திறம்பட நிர்வகிப்பதன் மூலம், தொடர்ந்து கேமிங் விளையாடும் போதும் கடினமான பணிகளின் போதும் தடையற்ற செயல்திறனை நீட்டிக்க உதவுகிறது.

வாழ்க்கையின் தருணங்களை அப்படியே படம் பிடியுங்கள்

தினசரி நிகழ்வுகள், அவசர ஆவணங்கள், நண்பர்களுடனான நினைவுகள் என அனைத்தையும் நடக்கும் போதே படம் பிடிக்கும் வகையில் 13MP முதன்மை கேமராவும், 5MP முன்பக்க கேமராவும் இதில் கொடுக்கப்பட்டுள்ளன. ஏஐ போர்ட்ரெய்ட் குளோ உள்ளிட்ட ஏஐ என்ஹான்ஸ்டு கிரியேட்டிவிட்டி வசதி, குறைந்த வெளிச்சத்திலும் முகங்களை இயற்கையான சரும நிறத்தோடு பொலிவாக்குகிறது. இதன் மூலம் பயனர்கள் தனியாக ஒரு ஆப் தேவையின்றி, ஏஐ தொழில்நுட்பத்திலான எடிட்டிங் கருவிகளைப் பெற முடிகிறது.

ஒன்பிளஸ் என்6எக்ஸ் விலை மற்றும் இந்தியாவில் விற்பனை

இந்திய மதிப்பில் ரூ. 17,499* என்ற ஆரம்ப விலையில், ஒன்பிளஸ் என்6எக்ஸ் ஸ்மார்ட்போன் 4GB+64GB மற்றும் 4GB+128GB ஆகிய வேரியண்ட்களில் 4 ஆகஸ்ட் 2026 அன்று நண்பகல் 12 மணி முதல் பொது விற்பனைக்கு வருகிறது.

• முன்னணி கிரெடிட் கார்டுகள் மற்றும் இஎம்ஐ பரிவர்த்தனைகளுக்கு ரூ. 1,500/- வரை உடனடி வங்கித் தள்ளுபடி.
• தேர்ந்தெடுக்கப்பட்ட முன்னணி வங்கி கார்டுகளில் 6 மாதங்கள் வரை வட்டி இல்லா இஎம்ஐ  வசதி கிடைக்கும்.

ஒன்பிளஸ் என்6எக்ஸ் ஸ்மார்ட்போன் ஆன்லைனில் Oneplus.in, ஒன்பிளஸ் ஸ்டோர் ஆப், Amazon.in ஆகியவற்றிலும், ஆஃப்லைனில் ஒன்பிளஸ் எக்ஸ்பீரியன்ஸ் ஸ்டோர்கள், இந்தியா முழுவதும் உள்ள தேர்ந்தெடுக்கப்பட்ட சில்லறை விற்பனை கடைகள் ஆகியவற்றிலும் கிடைக்கும்.

*சலுகை விதிமுறைகள் மற்றும் நிபந்தனைகளுக்கு உட்பட்டது.