பிரைம் வீடியோவின் 'ஸ்வீட் காரம் காபி' இணையத் தொடரின் இசை வெளியீடு
பிரைம் வீடியோவின் 'ஸ்வீட் காரம் காபி' இணையத் தொடரின் இசை வெளியீடு
ப்ரைம் வீடியோவின் அசல் தமிழ் இணைய தொடரான 'ஸ்வீட் காரம் காபி' எனும் இணைய தொடரின் இசையை வெளியிடுகிறது. இந்த இணைய தொடரின் இசை ஆல்பத்தில்11 பாடல்கள் இடம் பெற்றிருக்கிறது.
கோவிந்த் வசந்தா இசை அமைத்திருக்கும் இந்த இணைய தொடரில் ஐந்து பாடல்களும், ஆறு இசைக்கருவிகளின் இசையும் என 11 பாடல்கள் இடம் பெற்றுள்ளன.
இயக்குநர்கள் பிஜாய் நம்பியார், கிருஷ்ணா மாரிமுத்து மற்றும் சுவாதி ரகுராமன் ஆகியோரின் இயக்கத்தில் லட்சுமி, மது, சாந்தி ஆகியோர் நடித்திருக்கும் இந்த இணைய தொடர் எட்டு அத்தியாயங்களை கொண்டிருக்கிறது. இந்த பிரைம் வீடியோவின் அசல் தமிழ் தொடரான 'ஸ்வீட் காரம் காபி ' ஜூலை 6ஆம் தேதி முதல் தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் வெளியாகிறது.
மும்பை இந்தியா ஜூலை 2 2023 - இந்தியாவின் மிகவும் விரும்பி பார்க்கப்படும் பொழுதுபோக்கு தளமான பிரைம் வீடியோவில் ஜூலை 6ஆம் தேதி முதல் வெளியாகவிருக்கும் அசல் தமிழ் இணைய தொடரான 'ஸ்வீட் காரம் காபி ' எனும் இணைய தொடரிலிருந்து மயக்கும் இசை ஆல்பத்தை வெளியிட்டிருக்கிறது. லயன் டூத் ஸ்டுடியோஸ் பிரைவேட் லிமிடெட் எனும் நிறுவனம் சார்பில் ரேஷ்மா கட்டாலா உருவாக்கி இருக்கும் இந்த இணைய தொடரை இயக்குநர்கள் பிஜாய் நம்பியார், கிருஷ்ணா மாரிமுத்து மற்றும் சுவாதி ரகுராமன் ஆகியோர் இயக்கியுள்ளனர். இதில் லட்சுமி, மது, சாந்தி ஆகிய மூன்று நட்சத்திரங்கள் முதன்மையான கதாபாத்திரங்களில் நடித்திருக்கிறார்கள். உலகெங்கிலும் உள்ள 240 க்கும் மேற்பட்ட நாடுகள் மற்றும் பிராந்தியங்களில் உள்ள பிரைம் உறுப்பினர்கள் தெலுங்கு, மலையாளம், கன்னடம் மற்றும் இந்தி மொழிகளில் மொழிமாற்றம் செய்து ஜூலை 6ஆம் தேதி முதல் இந்த தொடரை காணலாம். 'ஸ்வீட் காரம் காபி 'என்பது பிரைம் மெம்பர்ஷிப்பில் சமீபத்திய இணைப்பாகும். இந்தியாவில் உள்ள பிரைம் உறுப்பினர்கள், ஆண்டிற்கு ரூபாய் 1499க்கு ஒரே ஒருமுறை செலுத்தி உறுப்பினராக இணைந்திருப்பவர்கள், சேமிப்பு, வசதி மற்றும் பொழுதுபோக்கு ஆகியவற்றை கண்டு ரசிக்கிறார்கள்.
'ஸ்வீட் காரம் காபி'- ஒரே குடும்பத்தை சார்ந்த மூன்று பெண்மணிகள் மற்றும் வெவ்வேறு தலைமுறையினர் எப்படி மறக்க முடியாத பயணத்தை மேற்கொள்கிறார்கள் என்பதை மிக அழகாக படம் பிடித்து காட்டுகிறது. அவர்களின் அன்றாட வாழ்விலிருந்தும்.. அவர்கள் மீது சுமத்தப்பட்ட பழமையான எதிர்பார்ப்புகளிலிருந்தும்... ஓய்வெடுப்பதற்காக ஒரு மனக்கிளர்ச்சியுடன் சாலை பயணத்தை தொடங்குகிறார்கள். அதன் வழியில் தங்களை மீண்டும் கண்டறிந்து, மீதமுள்ள வாழ்க்கையினை வாழ்வதற்கான ஆர்வத்தை மீண்டும் தூண்டுவதற்கான ஒரு பயணமாக மாற்றம் பெறுகிறது.
இந்த தொடருக்கு இசையமைப்பாளர் கோவிந்த் வசந்தா இசையமைத்திருக்கிறார். மெல்லிசை, இனிமையான மற்றும் எதிரொலிக்கும் ஒலிப்பதிவுகளின் கலவையுடன் இசை ஆல்பத்தை உருவாக்கி இருக்கிறார். இதில் இடம் பெற்றிருக்கும் 'கார்காலமே..' எனத் தொடங்கும் பாடலும், 'உத்னா ஹை ஐஸ்..' எனத் தொடங்கும் பாடலும்.. என ஒவ்வொரு பாடலும், கதையை நிறைவு செய்யும் விதத்தில் இடம் பிடித்திருக்கிறது. இந்த பாடல்கள் இந்திய பார்வையாளர்களின் மனதில் நிச்சயமாக நீங்கா இடம்பெறும்.
இது தொடர்பாக இசையமைப்பாளர் கோவிந்த் வசந்தா பேசுகையில், '' ஒரு இணையத் தொடருக்கு இசையமைப்பது பற்றி ரேஷ்மா என்னிடம் சொன்ன போது, முதலில் பெரிதாக ஆர்வம் காட்டவில்லை. ஆனால் 'ஸ்வீட் காரம் காபி'யின் ஒவ்வொரு அத்தியாயத்தையும் நான் பார்த்தபோது... கதை, கதாபாத்திரங்கள் மற்றும் அவர்களின் பயணம் ஆகியவற்றால் நான் பெரிதும் ஈர்க்கப்பட்டேன். நான் வீட்டுக்கு வந்தவுடன் தீம் மியூசிக் அமைக்கும் பணியை தொடங்கினேன். நான் இந்த தொடரில் ஒரு பகுதியாக இருக்க விரும்புகிறேன் என்று எனக்குத் தெரியும்.
கதையோட்டத்தில் இசைக்கு ஏராளமான தருணங்கள் உள்ளன. அவை மாண்டேஜஸ்கள்.. பாடல்கள்.. பின்னணி இசை... இதன் மூலம் காட்சியை மேலும் விறுவிறுப்பாக மாற்றுகின்றன. காவேரிக்கு ( மது) வயலின், சுந்தரிக்கு ( லட்சுமி ) புல்லாங்குழல் நிவேதிதாவுக்கு ( சாந்தி ) கிட்டார் என மூன்று கதாபாத்திரங்களுக்கும்.. தனித்தனியான இசைக்கருவிகளின் மூலம் இசையை பிரதிபலிக்க வேண்டும் என்று நாங்கள் முடிவு செய்தோம். இந்தத் தொடருக்கு இசையமைக்க மிகவும் வித்தியாசமான அணுகுமுறையை கடைப்பிடித்து, பாடல் மற்றும் இசைக்கருவி ஆகிய இரண்டையும் உள்ளடக்கிய முழுமையான ஆல்பத்தை உருவாக்கத் தொடங்கினோம். இது எனக்கு முற்றிலும் ரசிக்கத்தக்க அனுபவமாக இருந்தது. இதுவரை என்னுடைய இசைப்பயணத்தில் நான் இசையமைத்த பாடல்களில்.. 'தீர வணம்..' எனத் தொடங்கும் பாடல் தான் எனக்கு மிகவும் பிடித்தது.'' என்றார்.
இசை தொடர்பாக ரேஷ்மா கட்டாலா பேசுகையில், '' பார்வையாளர்களை ஒரு கதையுடன் பிணைப்பதில் இசை மிக முக்கிய பங்கு வகிக்கிறது. மேலும் அவர்கள் மிகவும் ஆர்வமாக பார்த்துக் கொண்டிருக்கும் மற்றும் பின்பற்றும் கதாபாத்திரங்கள்.. குறிப்பாக 'ஸ்வீட் காரம் காபி ' போன்ற உணர்வு பூர்வமான நாடகத்தில் இந்திய இசைக்கு மரியாதை செலுத்தும் வகையில் ஒரு ஆல்பத்தை உருவாக்க கோவிந்த் வசந்தா சிறந்த தேர்வாக இருக்கும் என்று நான் எப்போதும் நம்பினேன். குறிப்பாக நம் வீடுகளில் நான் கேட்டு வளர்ந்த இசை வகை.. எங்கள் காதுகள் மற்றும் உள்ளுணர்வுகளால் நாங்கள் சம பாகங்களில் வழிநடத்தப்பட்டுள்ளோம்.'' என்றார்.
இந்த ஆல்பத்தில்..
01) இனிப்பு காரம் காப்பி.... (முகப்பு பாடல் - இசைக்கருவி)
02) கார்காலமே... பாடகர்கள் : சத்ய பிரகாஷ், கீர்த்தனா வைத்தியநாதன். பாடலாசிரியர் - நிக்ஸி
03) மின்மினி... பாடியவர் :கபில் கபிலன். பாடலாசிரியர் - கார்த்திக் நேத்தா
04) தீரவணம்.. பாடியவர் :கபில் கபிலன். பாடலாசிரியர் - நிக்ஸி
05) உத்னா ஹை ஐஸ்.. பாடியவர்: ஜாவேத் அலி. பாடலாசிரியர் - அனுராக் மிஸ்ரா
06) திருநாள்... பாடியவர்கள் : ஆதித்யா ராவ், கபில் கபிலன், கீர்த்தனா வைத்தியநாதன். பாடலாசிரியர் - நிக்ஸி
07) வெறும் தாய்.. இசைக்கருவி
08) விக்ரம் இங்கே இருக்கிறார்- இசைக்கருவி
09) நிதியின் தீம் - இசைக்கருவி
10) காவிரியின் தீம் - இசைக்கருவி
11) சுந்தரியின் தீம் - இசைக்கருவி
திங்க் மியூசிக் மூலம் 'ஸ்வீட் காரம் காபி'யின் இசை ஆல்பம் விநியோகிக்கப்படுகிறது. உலகளவில் அனைத்து முக்கிய இசை தொடர்பான ஸ்ட்ரீமிங் தளத்திலும் இந்த ஆல்பத்தின் பாடல்களும், இசையும் கிடைக்கிறது.
'ஸ்வீட் காரம் காபி 'என்பது பிரைம் வீடியோவின் பிரைம் டே 2023 வரிசையில் ஒரு பகுதியாகும். இதில் மிகவும் எதிர்பார்க்கப்பட்ட அசல் தொடர்கள் மற்றும் அனைத்து மொழிகளிலும் பிளாக் பஸ்டர் திரைப்படங்கள் உள்ளன. அவற்றில் சில ஏற்கனவே சேவையில் உள்ளன கூடுதலாக பிரைம் உறுப்பினர்கள் பெரிய சேமிப்பு, பெரிய ஒப்பந்தங்கள், பிளாக் பஸ்டர் திரைப்படங்கள், சிறந்த பிராண்டுகள் மற்றும் சிறு மற்றும் நடுத்தர வணிகங்களின் புதிய வெளியீடுகள், தகுதியான பொருள்களுக்கான இலவச ஒரு நாள் டெலிவரி மற்றும் பலவற்றின் மூலம் மகிழ்ச்சியை கண்டறிய தயாராகிறார்கள். பிரைம் வீடியோவின் பிரைம் டே என்பது ஜூலை 15 மற்றும் 16 ஆகிய இரண்டு நாட்களாகும்.
