தமிழகத்தின் இறுதி வாக்காளர் பட்டியல் வெளியீடு

தமிழகத்தின் இறுதி வாக்காளர் பட்டியல் வெளியீடு

சென்னை: நாடாளுமன்றத் தேர்தல் விரைவில் நடைபெற உள்ளது, இந்தநிலையில் தமிழகத்தில் இறுதி வாக்காளர் பட்டியல் நேற்று வெளியிடப்பட்டது.

அதன்படி, தமிழகத்தில் தற்போது 5 கோடியே 91 லட்சம் வாக்காளர்கள் உள்ளனர். அவர்களில் 2 கோடியே 92 லட்சம் பேர் ஆண்கள், 2 கோடியே 98 லட்சம் பேர் பெண்கள், 5,472 பேர் மூன்றாம் பாலினத்தவர் ஆவார்கள்.

அதிக வாக்காளர்களை கொண்ட மாவட்டங்களின் பட்டியலில் முதல் இடத்தில் சென்னையும், 2-வது இடத்தில் காஞ்சீபுரமும், 3-வது இடத்தில் திருவள்ளூரும் உள்ளன.

சென்னை மாவட்டத்தில் மொத்தம் உள்ள 38 லட்சத்து 18 ஆயிரத்து 999 வாக்காளர்களில், 18 லட்சத்து 83 ஆயிரத்து 989 பேர் ஆண்கள், 19 லட்சத்து 43 ஆயிரத்து 78 பேர் பெண்கள், 932 பேர் மூன்றாம் பாலினத்தவர்.

காஞ்சீபுரம் மாவட்டத்தில் மொத்தம் உள்ள 36 லட்சத்து 90 ஆயிரத்து 997 வாக்காளர்களில், 18 லட்சத்து 26 ஆயிரத்து 614 பேர் ஆண்கள், 18 லட்சத்து 64 ஆயிரத்து 23 பேர் பெண்கள், 360 பேர் மூன்றாம் பாலினத்தவர்.

திருவள்ளூர் மாவட்டத்தில் மொத்தம் உள்ள 32 லட்சத்து 34 ஆயிரத்து 706 வாக்காளர்களில், 16 லட்சத்து 5 ஆயிரத்து 908 பேர் ஆண்கள், 16 லட்சத்து 28 ஆயிரத்து 89 பேர் பெண்கள், 709 பேர் மூன்றாம் பாலினத்தவர்.

குறைந்த வாக்காளர்களை கொண்ட மாவட்டமாக அரியலூர் உள்ளது. அங்கு மொத்தம் 5 லட்சத்து 5 ஆயிரத்து 685 வாக்காளர்கள் உள்ளனர். இவர்களில் 2 லட்சத்து 52 ஆயிரத்து 654 பேர் ஆண்கள், 2 லட்சத்து 53 ஆயிரத்து 25 பேர் பெண்கள், 6 பேர் மூன்றாம் பாலினத்தவர்.

18 முதல் 19 வயது வரையிலான இளம் வாக்காளர்களை அதிகம் கொண்ட தொகுதி திருப்பரங்குன்றம். அங்கு 7,696 இளம் வாக்காளர்கள் உள்ளனர். அவர்களில் 4,189 பேர் ஆண்கள், 3,507 பேர் பெண்கள்.